Mapuche Nütram

51 Traytrayko che, Koñarüpü che Panguipulli, Likiñe llemay ka müley ayfiñngey tami mapu, küme mapu ta müley dawael mew tami mapu, Küme Chaw, Küme Ñuke elueyiñmew küme mongen, feymew ta nieyiñ ta küme mongen küme trekayawiyiñ, Küme Chaw, Küme Ñuke Ya ya ya ya ya ya [kefafan] II Epukunon tañi ngellipun Küme Chaw, Küme Ñuke ngillatuñmun mew ta reküluwken elunieen ta newen kisulelan tati eymi mew ta reküluwken fillantü, pu liwen, küme umawtuken, küme trekayawken eymi ta elunieen ta küme rüpü, küme rakiduam fishkü longko, fishkü piwke ta elunieen newen ta elunieen Fentren mañum Küme Chaw, Küme Ñuke Ngen mapu Fücha, Ngen mapu Kushe pipingen nga Ngen anümka Fücha, Ngen anümka Kushe Ngen kulliñ Ngen kürüf, Ngen kütral Ngen ko, Ngen trayeko, pipingen Ngen Pillan kom eymün ngen, feymew llemay ta müley feymew ta ayüniey ta piwke mülekey ta kamarikun Willi mapu alkütulele kümeke che, rakiduamay ka inchiñ ka dunguleyiñ aflayay tami mapuche ngülam, tami mapuche kimün, tami mapuche ngülamtun llemay ya ya ya ya [kefafan] Fey kay Categoría: NGELLIPUN Autor: ADELA CARIPÁN Adela Caripán